Pentingna Peranan Kolot pikeun Ngadidik Budak
Ku : Fauziah Nur Azmi
Kelas : XII IPA 4
Kulawargi mangrupakeun tempat nu paling utama pikeun ngembangkeun budakna. Dina kahirupan sakulawargi, anu ngabogaan peran penting pikeun ngadidik anak nyaeta kolot. Ti kolot, budak bisa diajar maca, diajar nulis, jeung sajabana. Tina hadits Nabi oge disebutkeun yen kolot oge anu nangtukeun budakna bakal nganut Masuji, Nasrani atawa Yahudi.
Peran kolot dina ngadidik anak teh kacida pentingna, kusabab eta kolot teh kudu ngabogaan pamahaman anu luhur pikeun ngurus jeung ngadidik budakna sorangan. Lamun kolot salah ngadidik budakna, ieu bisa mere dampak negative boh leutik atawa gede, salian eta hal ieu oge bisa ngapangaruhan kaayaan psikologi budakna boh sacara langsung atawa henteu. Masalah – masalah anu disanghareupkeun ku budak kudu dianggeuskeun ngagunaan cara anu bener tong asal – asalan. Kolot anu ngadidik budakna sacara galak atawa tegas teuing jeung teu bisa meresan masalah budakna, cenderung nyiptakeun budak anu ngabogaan kalakuan heuras, teu bisa dicarek, osok ngalawan ka kolot atawa nantang ka kolot. Sabalikna, kolot anu ngadidik anakna sacara bener nyaeta bisa ngabogaan sikap anu sasuai jeung kaadaan budakna, misalna mun anak ngalakukeun kasalahan atawa perbuatan anu dianggap dosa, kolot bakal tegas nyarek eta kalakuan budak, ngan pas budak keur ngarasa sedih atawa keur butuh batur pikeun ngadengekeun caritana, kolot kudu bisa jadi sobat keur budakna sorangan. Kolot anu ngadidik budakna kawas kitu bakal nyiptakeun anak anu ngabogaan sikap bageur tur paduli ka batur.
Kolot teh ngabogaan peran anu kacida pentingna dina ngadidik budakna. Kasalahan dina ngadidik budak, bisa nyebabkeun gangguan psikologi budak anu ngabogaan dampak goreng pikeun kahirupannana.
Categories:
sunda