Fosfor

Pentingna Pendidikan Seks di Kalangan Rumaja

Tanti Gintari

                Pendidikan seks atawa pendidikan ngeunaan kasehatan reproduksi geus kuduna diberekeun atawa di ajarkeun ka barudak anu keur nincak rumaja. Pendidikan ieu bisa lumangsung sacara formal atawa informal. Dumasar kana kasepakatan internasional di Kairo taun 1994 ngeunaan kasehatan reproduksi anu geus di tandatangan kurang leuwih ku 184 nagara kaasup Indonesia, yen pendidikan seks teh perlu keur rumaja. Tapi ningali kaayaan warga masyarakat Indonesia masih loba anu teu nyaho pentingna pendidikan seks keur barudakna. Maranehna ngan nyaho lamun ngomongkeun seks nisa ngajerumuskeun budakna ngalakukeun hubungan seks, atawa pendidikan seks teh mangrupa hal anu vulgar, jadi teu wajar lamun diajarkeun ka rumaja ayeuna.

                Masih loba keneh anu can ngarti naon maksud pendidikan seks didieu. Lain ngajelaskeun tentang hubungan seksna, tapi arti seks anu sabenerna mah nyaeta jenis kelamin anu ngabedakeun antara lalki jeung awewe sacara biologis. Ceuk Sofyan aya dua faktor naha pendidiakan seks penting keur rumaja. Anu kahiji nyaeta dimana barudak anu karek nincak umur rumaja, maranehna can paham ngeunaan pendidikan seks, sabab kolotna nganggap yen ngomongkeun hal anu aya hubungan na jeung seks mangrupa hal anu teu wajar di omongkeun jeung budakna. Ku sabab kitu timbul rasa kurang paham dina diri rumaja ngarasa teu tanggung jawab kana seks atawa organ reproduksina.

                Faktor kadua, sabab kurang pahamna rumaja kanu seks jeung kasehatan organ reproduksina, di lingkungan masyarakat loba ditawarkeun hal-hal anu menjurus kana pornograpi, anu dicetak dina VCD, Majalah, Internet, malahan acara TV oge loba anu menjurus kanu hal hal pornograpi, tah sabab rumaja kurang paham kana pendidikan seks, numatak kudu diajarkeun hal-hal ngeunaan pendidikan seks utamana nyaeta ngeunaan kasehatan organ reproduksi manehna.Salian di ajar ti kolotn, teu salah rumaja eta nanya ka guruna nguenaan pendidikan seks di kalangan rumaja, tapi emang jarang aya rumaja anu daek jeung wani nanya ngeunaan pendidikan seks ka guruna, disarankeun mun rek nanya hal ngeunaan nu kitu tong nanya ka guru anu lain di widangna, sabab bisi timbul salah paham, dianjurkuen nanyana ka guru biologi, meh leuwih ngarti.

                Pendidikan seks emang penting keur rumaja, tapi aya batasan-batasan na oge, tong nepi keleuleuwihi bisi tungtungna nimbulkeun hal negatip. Nu matak peran kolot penting pisan didieu. Salian ti kolot ge, budakna kudu geus boga batesan mana nu bener jeung mana nu salah, nu teu eleh pentingna nyaeta rumaja tong salah milih babaturan sabab pergaulan jeung babaturan anu paling berpengaruh keur rumaja. Tong salah lengkah nu jadi poin utamana mah. Rumaja kudu boga tekad nu kuat, yen pendidikan seks didieu ngajarkeun manehna kana hal anu positip jeung supaya rumaja bisa wanti-wanti kana setiap anu dilakukeunna, utamana kanu kasehatan organ reproduksina.

                Pendidikan seks salian ngajarkeun tentang organ reproduksina oge, tapi loba anu bisa ku urang pelajari diantarana ekonomi, sosial budaya, nepika politik. Aya salah sahiji conto ngeunaan PSK (Pekerja Seks Komersial) dimana-mana, ha lieu disababkeun factor ekonomi, nu nyababkeun manehna teu boga tanggung jawab kana organ reproduksina jeung teu sadar yen bakal nimbulkeun panyakit nyaeta nularkun Virus HIV jeung panyakit kelamin lainna.

                Kusabab kitu, diharapkeun dina diajarna ngeunaan pendidikan seks, rumaja bisa ngajaga organ-organ reproduksina. “Organ reproduksi rumaja mangrupa hak rumaja jeung jadi tanggung jawab rumaja eta sorangan keur ngalindungi tina hal-hal anu teu dipikahayangeun”.