Fosfor

Tari nyaeta gerak anu sacara irama di kerjakeun dina hiji tempat jeung waktu kanggo ngungkapkeun rarasaan sareng pikiran. Tari nusantara di Indonesia ieu teh kacida seuerna. Unggal wilayah gaduh ciri khas tarian sewang-sewang. Contona tari piring khas Sumatera anu ngagunakeun piring dina tarianna. Aya oge tari reog ponorogo khas Jawa Timur anu ngagunakeun warok. Mun di daerah Bali aya tari pendet sareng tari kecak anu tos kasohor.
Jawa barat mangrupakeun salah sahiji daerah anu gaduh seueur tari tradisional anu unik. Sapertos tari topeng, tari jaipong, tari bajidor jeung sajabina. Tari-tari eta eh mangrupakeun warisan budaya ti leluhur urang sunda nu kudu di jaga sarta dilestarikeun ku urang sadaya khususna orang sunda. Urang kudu bangga ngabogaan budaya nu kacida seueurna. Urang kudu bangga gaduh seueur budaya anu tiasa urang pintonkeun ka nagara lian. Budaya tari khas jawa barat kamari-kamari sempet dipandang atanapi sempet berjaya kusabab aya salah sahiji kelompok tari anu disebut “Rumingkang”  miluan ajang “Indonesia Mencari Bakat” di Trans TV. Anu biasana tarian khas Jawa Barat di pintonkeun di acara khusus daerah Jawa Barat ayeuna tos dipintonkeun di acara TV nasional. Anu kitu teh perlu urang mekarkeun ngarah tari tradisional khas Jawa Barat teh teu kasohor ngan di wilayah nasional wungkul tapi kudu di wilayah internasional oge. Sabenerna tos seueur penari-penari tradisional anu tos mintonkeun tari khas Jawa Barat di luar negeri, malahan leuwih tari tradisional leuwih sering dipintonkeun di luar negeri tibatan di nagara urang sorangan.
Kunaon bet bisa kitu?
Ayeuna seueur masyarakat Indonesia anu leuwih resep kana budaya-budaya batur sapertos boyband, break dance, jeung sajabina. Masyarakat Indonesia seueur anu nganggep budaya tradisional sunda sapertos tari-tari khas sunda teh tinggaleun. Padahal eta teh lepat, justru ayeuna masyarakat luar negeri teh resep ka budaya-budaya tradisional. Sabab anjeuna nganggap lamun anjeuna cinta ka nagarana, anjeuna kudu ngajaga budaya sareng tradisi ti leluhurna ngarah teu punah. Matakna urang sebagai urang sunda kudu bisa ngajaga, kudu bisa ngalesarikeun budaya urang sorangan khususna tari tradisional tong nepi ka punah komo nepi ka kaganti ku budaya batur mah. Carana kumaha? Urang saeutikna kudu bisa tari tradisional sunda, lamun teu tiasa urang kedah ngahargaan tari tradisional sunda kucara heunteu mandang rendah ka tari tradisional sabab eta teh budaya urang sorangan.