Fosfor


Havizh Al Akbar Putra
Korupsi jeung Kamiskinan mangrupakeun masalah anu dianggap paling utama ku rahayat Indonesia.
sanajan pertumbuhan ekonomi nagara Indonesia tuluy naek, tapi jumlah masyarakat di indonesia oge teu weleh nambahan, beban ekonomi oge tuluy nambahan.
kamiskinan di Indonesia disebabkeun heunteu saimbangna lapangan pagawean jeung pertumbuhan penduduk di indonesia anu tuluy nambahan.
Naliktik dina istilahna, kamiskinan teh nyaeta kaayaan dimana kabutuhan dasar saperti dahareun, raksukan, tempat nyalindung, pendidikan, jeung kasehatan teu bisa ditedunan.
                aya mangrupa-rupa faktor anu jadi panyebab kamiskinan, diantarana nyaeta :
1. PHK, nyaeta dieureunkeunna pagawe dina hiji instansi pagawean. ayeuna PHK beuki dieu beuki nambahan, aya kana 27 rebu pagawe anu di PHK jeung maranehna teu dibere santunan ku pamarentah.
2. Lapangan pagawean anu kurang, zaman ayeuna perkembangan pertumbuhan penduduk rahayat indonesia tuluy nambahan, tapi perkembangan lapangan pagawean di indonesia teu bisa ngimbangan naekna jumlah penduduk indonesia, hal ieu anu nyebabkeun pangangguran jeung kamiskinan rakyat indonesia.
3. Kurangna Pendidikan masyarakat, kurangna pendidikan masyarakat oge mangrupakeun faktor utama anu ngahambat pagawean, ku zaman ayeuna mah jalma anu teu boga latar belakang pendidikan mah bakal hese neangan gawe.
4. Males, males nyaeta panyakit anu teu bisa dileungitkeun dina jiwa masyarakat indonesia. aya kasempatan gawe tapi eweuh kadaek ngalakonanna.
                kamiskinan nyaeta masalah rahayat indonesia anu can bisa dibereskeun ku pamarentah.salah sahiji faktor utama nagara Indonesia tuluy kakubeng ku kamiskinan nyaeta marakna korupsi anu dilakukeun ku para pajabat nagara.
korupsi geus jadi trend anyar keur para luluhur nagara, korupsi teh mangrupakeun hal anu geus biasa dilakukeun ku para pajabat anu teu boga rasa tanggung jawab keur rahayatna anu malarat.
ku zaman ayeuna mah anu beunghar beuki beunghar, anu sangsara beuki sangsara.
naon ai korupsi teh ? Korupsi nyaeta ngaleungitkan duit nagara keur kapentingan harta sorangan-sorangan. korupsi teh ngadahar duit rahayat. korupsi teh nyangsarakeun rahayat. korupsi teh ngahancurkeun pilar-pilar nagara.
para pajabat anu korupsi geus teu boga rasa karunya ka rakyat, maranehna leuwih mentingkeun harta sorangan, istilahna agul ku payung butut. maranehna beunghar ku duit rakyat.
koruptor ku ngeunahna bisa ngadahar duit rakyat anu sakitu lobana tanpa beban nanaon, maranehna bisa meunangkeun duit anu sakitu lobana kucara anu gampang. maranehna mah teu kudu banting tulang meakeun tanaga keur meunangkeun duit.
lamun dibandingkeun jeung tukang sendok semen, manehna kudu ngaduk semen jeung masangkeun batu-bata sapoe jeput ngan saukur meunang 1 lembar duit biru keur gawean anu sakitu beuratna. manehna ngan meunang upah anu sakitu leutikna jauh tina kaayaan layak
ayeuna lamun dibandingkeun jeung para pajabat anu koruptor, manehna tinggal diuk dinu meja, maca koran, nanda tangan, ngiluan rapat paripurna bari jeung nundutan eta oge tapi bisa meunang duit miliyaran rupiah.
bener-bener geus teu adil pamarentahan di indonesia. ayeuna Indonesia beuki sangsara, beuki maralat, beuki susah. jauh jeung nagara tatangga anu sagala kahirupan rakyatna kajamin ku nagara
indonesia moal maju-maju lamun korupsi can bisa di berantas nepika akarna. rek kumaha indonesia maju lamun sagala dana keur kamajuan bangsa di korupsi, timimiti dana kasehatan, dana pendidikan, dana kasejahteraan, dana pembangunan, nepika dana BLT oge teu weleh di korupsi.
geus teu bireuk yen para koruptor teh teu bisa ngajalankeun amanah rakyatna sorangan,sumpah jabatan ngan saukur dianggap runtah.lamun geus kieu kudu kasaha deui atuh rakyat indonesia nitipkeun amanahna?
subhanalloh rek iraha atuh indonesia maju kawas nagara batur, rek iraha anu pajabat anu diluhur sadar yen kasejahteraan rakyat teh penting pisan, rek iraha atuh indonesia bebas kamiskinan.
saha atuh anu kudu tanggung jawab kana kaayaan rakyat indonesia, demo dimana-mana hayang bebas kamiskinan tapi tara di denge ku pamarentah, pamarentah siga anu geus nutup panon nutup ceuli kana aspirasi masyarakat.
                lamun indonesia hayang sejahtera, korupsi kudu diberantas. sagala bentuk korupsi kudu dileungitkeun dinagara indonesia.urang kabeh salaku rakyat indonesia urang sauyunan ngaberantas korupsi, hayu urang babarengan dukung KPK ngameh bisa ngabongkar kabobrokan lembaga-lembaga anu ngalakukeun korupsi.
korupsi kudu di sapu bersih, KPK teu meunang pandang bulu, rek saha saha oge anu korupsi, rek jabatan naon wae anu korupsi, KPK kudu tegas ngaberantas korupsi. saha anu korupsi, manehna kudu dihukum beurat.
KPK teu menang tebang pilih, lantaran korupsi moal leungit lamun penegak hukumna heunteu tegas jeung lembek kawas busa. lamun panegak hukum teu tegas kangenahan kanu ngalakukeun korupsi, manehna moal ngarasa salah geus maling duit nagara lamun heunteu dihukum.
kamiskinan di indonesia kudu bisa diberantas ngameh rakyat teu sangsara, ku kitu oge korupsi kudu di berantas ngameh rakyat sejahtera.

Categories:

Leave a Reply