Roko nyaeta sajenis barang anu dipikawanoh ku balarea, geus loba pisan jelema nu ngonsumsina, boh awewe atawa lalaki, nu geus kolot nepika budak leutik. Ceuk nu ngonsumsina mah roko teh sarua jeung ubar, nyaeta ubar keur nengtremkeun pipikiran. Tapi sabenerna mah ngaran ubar nu dipake keur ngaumpamakeun roko teh salah pisan, kusabab harti sabenerna ubar teh keur nyehatkeun awak, tapi roko mah nyaeta ubar anu kalahkah namabahan panyakit, misalna kanker paru-paru, panyakit jantung koroner, stroke jeung sajabana.
Haseup anu dihasilkeun tina sabatang roko teh ngandung bahan- bahan kimia anu bakal ngabahayakeun awak saperti nikotin, karbon monoksida, benze, nitrosamine, ammonia,aromatic. Salah sahiji hasil panalungtikan nyebutkeun bahaya roko,pikeun ibu-ibu nu keur hamil nu ngonsumsi roko bisa ngajadikeun budakna teh cacat mental jeung fisik. Katingali pisan pan ku urang bahayana teh.
Roko, asalna teh ti nagara Amerika Tengah terus kasebarkeun nepi ka nagara berkembang salah sahijina nagara Indonesia, tapi ti waktu ka waktu tingkat ngaroko di nagara maju nurun beda jeung di nagara berkembang, salah sahijina di nagara Indonesia. Indonesia nyaeta salah sahiji nagara berkembang anu miboga macem-macem merk roko anu dijual sacara bebas, hampir sabagian warga nagarana ngonsumsi roko, anu dibuktikeun yen kiwari nu ngaroko di nagara Indonesia teh aya dina urutan ka tilu panggedena sa-Asia, sahingga roko teh jadi sumber pajak paling gede keur nagara.
Sanajan nagara narima kauntungan anu gede keur ngalaksankeun pembangunan keur nyejahterakeun warganegarana, tapi da keur naon ari akhirna mah warga nagarana maraot kusabab roko. Di Indonesia unggal poena aya 1172 jelema maot kusabab panyakit nu diakibatkeun ku roko. Maenya kaayaan siga kieu rek diantep? Nya sabenerna mah kumaha jelema nu ngonsumsi rokona oge, kudu sadar ku bahaya eta barang, tapi da pasti hese kabina bina kusabab aya kandungan anu nyieun eta konsumen katagihan. Matak mun bisa mah pemerintah teh tegas, yen roko teh tong diperdagangkeun sacara bebas, mun bisa mah tong aya nu ngajual roko eceran, kusabab kiwari budak SMP, SD wae geus ngararoko,kumaha engke kahareupna, kacipta mun di antep bangsa Indonesia moal maju- maju kusabab teu boga generasi- generasi nu sehat jeung produktif da tileuleutik geus ngararoko.
Ku kituna ka pemerintah, pupus perdagangan roko sacara bebas, kusabab teu mawa mangpaat, da lamun warga nagarana sehat pasti bisa leuwih produktif jeung bisa terus ningkatkeun pembangunan teu kudu ngandelkeun pajak tina roko . satuju teu?
Ditulis ku Navilla Komara Pratiwi
Categories:
sunda